Majan ne oban tahun baru lepa lapa!!!!! Majan nta nai naat blog ji,...kado' de' mempeng ngan ilu ti kaduk naan teka'......
Ok lah,...oman ji jane ca oman je' bio' me ilu mung de' mudip ke' Malaysia ne. Ji ne sik ca tebuku udip le ke abad 21 ji. Kena kire,..beng dena' ne sik udip le,...nta ne un sik je' mempeng ilu. Dalem adet le,...beng tiga ne teka'....jane udip dena'.
un tepo'o dalem oman mading ji,....ujung oman je' lepa lapa re,..ilu lepa naat sik penading nai penosa. Mung di lepa un senorat dalem kitab le,..ngan ake' ngio' ilu mung lepa tisen pemoyan ji ke tenoyan kaang ilu. Ilu masih un tiga lepe keji. Ala' ne kesempatan ji man le ngemaren Tuhan le. Ala' ne kebi'en ji man le tai pedenga Tuhan le.....oban un masa maan ngan penosa ke nai nanta' ilu nta majan la'a. Pedena' tawai ngan petenup teka' pengelelan le....ayen tai lopau neng yu tuhan bada' milu. ti tega neng mung du pepa ilu...ayen mile'....Tanpa ilu ngira ya ngelan Tuhan ka atau nta,..mala' mung kelonan. Jane sik le pedenga katuk Tuhan le...nta semestinya ilu tai ngkin kitab Tuhan,..ngan tai pisu neng julung kelonan kado'. Je' penting jane'...sik gaya' udip le neng joma du ngan sik gaya' le bergaul ngan mung de' un di sekeliling ilu. lemoto un dalem kimet,..mung de' ilu ti jane untuk Tuhan le,...Lemoto nemame' me mung kelunan apan le un kebien nai pala' Tuhan Yesus. Amen
