Tanggal 21, Bulan 12, oman 2012.
Ji sik ca tajuk cerita je' nta lepe nai luwa'. Nta lepe du boka' lepet cerita ji ke panggung wayang. Tapi naki ilu senteng naat kado' na'an sik cerita je' nai luwa' ke' internet. Terutama ke lepo' orang puti. Kumin ta'in, ke lan lote je' ida bada' ji?
Boka menurut dau de' mencam mida, ida lepa un pekalai ngan na'at sik tanggal ji, ji ne dau tau usun tana' ji ke tasa'. Un daure, dalau tanggal 21-12-2021 ji, o'o. usun tana' ji ngan meka' pe planet je' un ke galaksi le ke tai pekuwa' ajat ngan mata tau. Boka re na'at ji, un ca je' ke tenoyan ke usun tana' ji keja bana re. Je' atek petosa kimet le teka' jane, ida bada', mungkin usun tana ji ke pekaliu opa...boka naki usun tana' ji popa popa tai ke' kabing, lepa ja o'o usun tana' ji ke popa te' ta'u.
Jadi boka lan dau ji, basa' ke lempam bio' ne usun tana' ji boka meka! Daram le teka' le ngening ja. Basa' ji ne bana tuhan re, ke tasa' 2/3 usun tana' ji oban sogai bio'.
Nodep nemame
apan le nta tecu neng tau Tuhan nai kusun tana' ji ca liwai la'a.
1 comment:
Ai daram teka' le ngening dau berita mading ji. eh e' oban je' bada' ngan kaji ji? Ahli Saintis di ja tain? Tapi beleh ne kumin oban ne oban ilu nyenteh pala' Tuhan tua'.
Post a Comment